【港姐】媽媽與袁詠儀同屆參選華姐 宋宛穎出身選美世家未感壓力

佳麗宋宛穎（Sabina）原來出自選美世家，其媽咪曾於91年參選華姐，與袁詠儀是同屆。Sabina說：「媽咪曾經參選澳門小姐獲得亞軍，而媽咪表姐就係冠軍，當年由媽咪代表澳門出戰華姐。」

對於被指是選美世家，她說：「其實都冇壓力，始終媽咪參選都已經係以前嘅事，而家已經唔同咗。」她透露有一位任職醫生的孖生妹妹，她說：「其實我嘅志向都係做醫生，只是都想追逐夢想。」Sabina指媽咪給予貼士，她說：「要做好自己，我仲從選美開始就聽從媽咪嘅飲食餐單，戒澱粉同調味料，希望媽咪到時可以由澳門嚟香港睇我比賽。」

Sabina又自爆於11歲時曾於家燕媽媽學校接受訓練，家燕姐曾帶領她在《歡樂滿東華》上表演，不過未告知家燕姐參選港姐事，她說：「唔知家燕姐仲認唔認得我，今次選美係由媽咪做推薦人。」