【Juicy叮】小朋友餐廳內大哭 怪獸家長話侍應有責任幫手氹

小朋友有時在大庭廣眾「扭計」，的確令家長們感煩惱，有家長近日在社交媒體發帖，指帶小朋友到餐廳食飯，但小朋友「扭計」躲在枱底哭，職員上前要求家長「氹吓小朋友」，結果「激到該家長埋單」離開，此帖引發另一家長分享，指以前只會帶小朋友到酒店餐廳食飯，除感覺環境乾淨「無咁多菌」外，小朋友「扭計」的話，侍應亦會主動幫手，「絕對唔會走埋嚟叫我處理小朋友」。

該家長更自稱曾從事酒店業，「知道侍應有TRAIN(訓練)過點樣處理(小朋友哭鬧)」。更指若酒店沒幫手，「即係酒店無TRAIN好員工」，客人可循不同途徑投訴，到時酒店「開會都開死」，更公開稱讚一間五星級酒店餐廳能做到上述那點。

不過，兩名家長的言論令其他網民反感，批評二人是怪獸家長，有網民指照顧小朋友是父母的責任，不能假手於人。也有網民替酒店員工感辛苦，「開緊工仲要幫手氹人哋個仔」，也有不少網民發帖「抽水」，但也有人指，在內地一些食肆，有提供小朋友照顧服務，讓大人可安靜地吃飯，但有關服務須收費。