【獨家】素顏現身《造星IV》第三輪面試 花姐狠批參賽者:質素好差

2021-08-01 22:13
花姐想睇大家都性格。
花姐想睇大家都性格。

《全民造星IV》今日進行第三次面試,向來敢言的花姐(黃慧君)直言質素好差,今次要求參賽者以素顏面試,因為要看清楚她們真實一面,從而選出終極99強參加者!

以全女班作招徠的ViuTV真人騷《全民造星IV》,今日於觀塘某工廠大廈進行第三次面試,一眾參賽者均素顏現身,與節目監製花姐及梁祖堯會面,現場所見大部份參加者一早到場等候進行面試。

花姐想睇大家都性格。
花姐想睇大家都性格。
Ruby
Ruby

黑衫黑褲打扮的可柔,一早做足準備,她說:「大會冇指定要做乜,但我都有預先預備表演唱歌、跳舞同對答,都有信心嘅,只係怕臨場發揮會有失準。」而她亦素顏面試更充滿信心,她說:「可能睇落去會再後生啲。」港日混血兒坂部佩莎(Lezona)亦不清楚點解要素顏現身。

現年26歲的Eva在面試完畢後接受訪問,她透露不需要任何表演,只是跟一班評審見面傾計,但自己信心不大。當工作人員發現她接受訪問時,隨即提醒她切勿透露面試內容詳情。另一位參賽者Manc,對面試表示不緊張,笑言曾考慮應否畫眉:「因為望落外表感覺會精神啲。」

Yanny
Yanny
Eva
Eva

對於參賽者的質素,花姐坦言比想像中差,但今次自己不是經理人,所以沒有壓力,只為節目好。她說:「今次質素係好差,剛剛仲話:『死啦!今次個節目!今次跌咗落個陷阱,我可能要改返男女。』,剛剛睇左幾組,都係大部份人唔得,可能技巧唔得,但我今日睇唔係技巧,反而睇性格,我諗睇技巧就等佢哋經理人Wing點搞啦。」為何要素顏出席?她解釋:「我想睇真啲佢地個樣,如果靠化妝去睇真有太多包裝,唔夠真實,第一素顏可以扔低佢地嘅包袱,可以真實將自己一面攞出嚟,我覺得呢樣比化妝緊要。」

坂部佩莎Lezona
坂部佩莎Lezona
可柔
可柔
Manc
Manc
《全民造星IV》今日於進行第三次面試。
《全民造星IV》今日於進行第三次面試。
參賽者全部要素顏示人。
參賽者全部要素顏示人。
花姐直言今次質素係好差。
花姐直言今次質素係好差。
梁祖堯有份做審選出99人入圍。
梁祖堯有份做審選出99人入圍。
關鍵字

最新回應

關鍵字

相關新聞

熱門文章