【Juicy叮】OL夏天傳臭狐味 同事善意提醒遭斥:你哋咪唔好聞

2021-07-31 15:17
OL夏天傳臭狐味,同事善意提醒反被斥。網圖
OL夏天傳臭狐味,同事善意提醒反被斥。網圖

夏天容易流汗,更會擔心體味會影響他人對自己印象。近日有網民於討論區發文指,一名平日頗貪靚的女同事,每逢夏天時,總會傳出陣陣令人難以接受的體臭味,雖有同事曾提醒她,惟對方竟表示,「我自己覺得無問題喎」,該網民聞言亦心感無奈。

該網民於「親子王國」發文指,其公司一名女同事一向十分注重自己外表,「平時返工都會打扮買靚衫」,惟每逢夏天時,對方都會出現嚴重的體味問題,令附近的同事亦感困擾。樓主形容該女同的體臭問題十分嚴重,不少同事在辦公室也能聞到,更指「最慘係同佢工作上有接觸嘅同事,要行埋去佢個位傾公事,或者佢行去人哋個位傾公事,嗰陣味真係超難頂」。

樓主亦透露,最近得知有其他同事向該女同事提醒,惟對方竟表示,「我自己覺得無問題喎,你哋咪唔好聞囉」。樓主聞言後亦心感無奈,指其他同事都是善意的提醒,「其實人哋只係出於好意提醒,如果嬲係你自己問題」、「唔肯去解決同接受唔到現實,忠言逆耳啫」。

帖文引起網民的熱論,有網民表示該女同事或有苦衷,「呢樣嘢唔係想解決就解決到,可能佢都好唔開心」、「可能佢自己已知,但用盡好多方法都解決唔到,你哋又咁直接同佢講,嬲都係正常」。惟亦有網民表示,對方根本無心解決問題,「諗唔到辦法同肯唔肯正視面對係兩回事,而家資訊發達一上網就會揾到好多方法,唔信無辦法解決」。

資料來源:親子王國

關鍵字

最新回應

熱門文章