【東涌羅浩楷有勁敵】37歲落選亞姐薛影儀簽約亞視 網民集氣做ATV生啤

《亞洲小姐競選2021》香港賽區在面試當日出現了一個「氣質佳麗」，現年37歲、身穿粉紅色三點式的薛影儀可謂驚為天人，當時她信心十足地表示有望得到季軍，但可惜賞識她的人多，最後她不能成功入圍，搞到有不少網民嗌失望！不過亞視又怎會令人失望，今日突然在FB出post兼貼了數張薛影儀在簽文件的相片：「噚日阿儀冇出現喺「亞姐入圍記者會」，令好多網民都好失望！喺今日，阿儀就嚟咗亞視總台簽約，更同公司嘅藝員及公關部高層會面，究竟佢嚟做乜呢？」之後賣晒關子話想知詳情，就吖大家密切留言FB專頁喎！

有網民已經留言揣測，有人說：「ATV呢次就醒啦，一早簽咗佢先，你唔好同我爭呀，百年難得一見嘅人才！」「薛影儀小姐令我對世俗既美，再一次有重新認識既機會！」「簽阿儀做吉祥物？亞視生啤？」「呢啲女仔而家嘅娛樂圈已經好少見，正哂啦！」其實在未簽約之前，亞視已經安排阿儀拍了一段宣傳片，為今屆入圍亞姐以及運動員打氣，之後再來一段深情表白：「我係因為想吓，今年年齡放寬咗，咪把握機會，攞吓經驗。」阿儀又稱十幾年前做過社區中心工作，之後轉做侍應，因為不喜歡戴口罩而辭職，現時很多時留在家睇電視。