【維港會】內地工作穿黑衣無質疑 陳婉婷:要幾黑心先用顏色去批運動員

2021-07-29 22:09
葉鴻輝、陳婉婷、陳肇麒分別開腔維護伍家朗身穿黑衣比賽做法。資料圖片/新華社資料圖片
葉鴻輝、陳婉婷、陳肇麒分別開腔維護伍家朗身穿黑衣比賽做法。資料圖片/新華社資料圖片

外號「牛丸」、曾帶領東方奪得港超聯冠軍的陳婉婷近年離港發展,獲中國足協任命為中國U16女足主教練,她在社交網站發文回應羽毛球「一哥」伍家朗的球衣爭議,指「無論我果日著咩衫褲,內地的同事都沒有戴有色眼鏡睇我,更讚我頂帽好融入當地嘅山區生活。我哋嘅制服也有派黑色衫黑色褲,大家都著得好舒服,亦合作得好好。人與人之間,其實最緊要係信任。」她質疑,「咁一個人究竟要幾黑心、幾卑俗、幾膚淺,先會用衣服的顏色去批評一個代表自己地方嘅運動員?」

港隊門將葉鴻輝在社交網站Instagram表示,「有啲人做嘅嘢好簡單,㩒幾個制去搶 Fo 出位,個啲人叫小薯。有啲人花一生努力,為嘅可能只係參加一次國際性運動會,為(香港區旗圖示)出戰,依種人係(香港區旗圖示)運動員。唔支持唔緊要,但係唔好破壞。」

前足球先生、前港隊鋒將陳肇麒亦於Facebook開腔維護伍家朗,他稱:「伍家朗,錯不在你。加油!全香港人都撑你!」並附上 主題標籤「#一段文字影響左人幾年嘅努力」,「#某人我__你啦」,「#香港運動員加油」;他又暗批,「越諗越嬲!唔通著白飯魚去踢真草場咩!」

伍家朗早前被批評身穿無香港區旗標識的黑色球衣參賽,引發社會爭議。新華社資料圖片
伍家朗早前被批評身穿無香港區旗標識的黑色球衣參賽,引發社會爭議。新華社資料圖片

陳婉婷facebook截圖
陳婉婷facebook截圖

葉鴻輝Instagram截圖
葉鴻輝Instagram截圖
關鍵字

最新回應

關鍵字

相關新聞

熱門文章