Juno捧新人簽獨立歌手 王嘉儀盼似蝴蝶：破繭而出

一直以獨立歌手身分發展的王嘉儀（Sophy），近日簽約麥浚龍（Juno）為主腦的幻・國文化，齊齊尋找更多可能性。Sophy坦言對新團隊充滿信心：「Juno係一個用好多毅力同堅持，喺演藝圈行自己道路嘅藝人，一直默默地用自己方式造就自己風格、創作，喺影像或音樂路上有好鮮明嘅形象，喺呢方面算係一種啟發，非常期待之後嘅合作，希望喺啟發過程中好好發揮，成為獨特嘅藝人。」

近日團隊就為Sophy拍下全新宣傳照，以三個造型凸顯她的個性，當中頭戴金魚缸與蝴蝶相伴的造型令Sophy大感特別，她表示：「過去喺音樂嘅道路上面都不斷探索，用唔同時間搵自己道路，喺呢條道路上面遇到幻・國團隊，係一個新嘅開始，希望我好似第一個蝴蝶造型象徵嘅破繭而出，大家可以睇到唔同一面嘅我。」Sophy還透露加盟新公司後好快會舉行售票音樂會，希望帶給歌迷更多驚喜。