減肥過來人靠做Gym瘦身 TWICE志效着運動服晒健美身材

韓國女團TWICE的24歲隊長志效，近日為品牌代言運動服裝，以黑白為主色，啱晒又要靚住做運動又要低調嘅後生女。志效大騷Fit爆腿部曲線，身形亦好均勻，有睇TWICE玩2015年出道生存節目《SIXTEEN》就知道佢唔係骨感女仔。

當年志效已經做咗10年練習生，之前出道計劃因不同因素告吹，最後壓力大搞到暴飲暴食，身形亦都向橫發展。即使行程有幾多，志效都會去做Gym，加上控制飲食減磅，呢個代言人簡直當之無愧。