41歲生日願望不求物質 譚俊彥盼子女乖乖唔好駁嘴
2021-07-16 20:05 
譚俊彥出席TVB《明星運動會》頒獎及慰勞宴，他有份參與籃球項目及400米跑步他賽，但因拍劇未能參加決賽，直言有點可惜。他表示一向有打波和練跑，賽前更花了一個月時間進行練習，初賽更以1分06秒打破個人最佳紀錄。他笑說：「以我呢個歲數已經相當唔錯！我每日都有練跑，但劇組要求我唔好再曬黑，只能喺屋企做運動。」
不過，身為「廿四孝」爸爸，譚俊彥日前都帶子女出外踩單車，他說：「細仔未識踩呀，只能坐喺我前面手叠手，自己都好感動，希望呢一幕能成為我哋兩父子嘅回憶。」而今個月30日便是他的41歲生日，他預計當日要開工，指自己生日願望好簡單：「有年嘅生日願望就係生日有工開，所以而家都冇怨言，我又唔崇尚物質，囡囡喺父親節畫幅畫畀我都已經好開心，希望仔女乖乖地唔好駁嘴就滿足。」
關鍵字
最新回應