收到陳年日本生活照 徐若瑄曾同元祖Morning娘成員浸溫泉

1997年，徐若瑄(Vivian) 曾經喺日本發展，跟天野博之及南原清隆組成黑色餅乾，出過暢銷碟，99年退出，雖然玩得唔耐，但都識咗唔少日本藝人仲做埋好朋友，包括Morning娘的保田圭。

今日，Vivian話收到好姊妹嘅浸溫泉舊相，數量有5張，拍攝年份大約20年前，佢話好後悔冇寫上日期，再望真啲，Vivian嘅好姊妹就係元祖Morning娘成員保田圭，兩人非常老友，保田圭於14年喺夏威夷補辦婚禮，Vivian都有出席。

Vivian睇舊相好懷念當年嘅日子，仲Tag老友，話好想再一齊去浸溫泉。舊照中，除咗浸溫泉相外，兩人仲喺溫泉旅館攬到實瞓覺，有第三人揸機喎，咦，其中一張舊相係何潤東同保田圭，唔通揸機嗰個係佢?