被追問黃心穎泥鯭戀事 家姐黃心美開閘：唔使過我嗰關

久未露面的黃心美今日出席運動品牌活動，她坦言受疫情影響，令所有司儀工作停頓，已一年多沒公開活動。她說：「呢行係好天搵埋落雨食，呢段日子都係靠積蓄度日。」



日前星島名人雜誌影到心美跟妹妹黃心穎及RubberBand鼓手泥鯭（黎萬宏）「三人行」去放狗，心美透露當日是其愛犬Bacon的12歲生日，所以去了狗cafe及狗公園，而妹妹就帶同狗狗Love出來，泥鯭就沒有。她續說：「其他朋友冇人得閒出席。（同泥鯭感情好好？)平時大班朋友一齊玩。」

問到妹妹是否與泥鯭拍拖？心美稱自己是外人，不應該由她回答：「佢哋嘅關係，不論係情侶或者朋友都好，唔應該由外人去答。（你係家姐。)都應該由當事人去答。（對泥鯭印象?）做朋友ok。（若泥鯭追妹妹係咪要過你嗰關？）若果真係追阿妹，過到阿妹嗰關就ok，唔使過我嗰關。」



心美透露心穎現在生活愜意，閒時會照顧狗狗、做運動和看電視。她說：「做家姐嘅仲會顧及阿妹有冇飽飯食，近日請咗個煮飯好叻嘅工人姐姐，會叫阿妹嚟食飯飲湯。」她讚妹妹好堅強，作為家人一定會做避風港，不離不棄。

問到心穎會否想復出？她直言即使問妹妹也不知道，因為這行太被動，要問對方公司。至於經濟壓力，她笑稱自己經濟壓力比妹妹大。對於有指妹妹出售物業賺百多萬，她坦言價錢合理便出售，但不知道妹妹是否賺了百多萬，因這些錢她沒份兒，但兩姊妹有夾份在加拿大置業，收租幫補一下。