【做錯啲乜？】BB扭計爆喊搞唔掂 陳家樂眼神死搵人求救

陳家樂今年將踏入35歲，同期入行的圈中好友，已陸續成婚並榮升父母。他今日在社交網上載一條探BB的短片，不過作為uncle的他，似乎不太受小朋友歡迎，因為他一抱起BB，對方就極力爭紮反抗，更放聲大哭，家樂面對鏡頭時一臉無奈，似乎是想找人求助，他以三個欲哭無淚表情留言：「一抱就喊！點解呢？！我做錯咩？」剛誕女接近一個月的同公司新手媽媽湯怡，就食花生留言取笑：「你冇安全感」，家樂就回應說：「你畀我試吓抱你個BB」，湯怡見到回覆即指他抱BB的姿勢有問題，自言要等囡囡長大一些夠硬淨才考慮讓家樂抱。

其後雨僑解釋BB喊的原因，原與家樂的廣告有關：「我個女一見到你就喊，因為你個廣告阻住佢睇《The wheels on the bus》。」家樂惟有向BB道歉：「Sorry lor！」不過有網民就笑家樂是「怪叔叔」，也有人叫他放棄，原因小朋友太細個：「父愛泛濫，不如自己生個自己抱。」