與Aka事隔大半年相約練舞 Heidi著高跟鞋跳到差啲仆親

Super Girls的李靜儀（Heidi）和趙慧珊（Aka）都是愛跳舞之人，過往均會抽空相約去練舞，可惜因疫情關係，加上早前各自要拍戲，已大半年沒再踏進排舞室。
二人日前趁不用工作空檔，即相約到排舞室練新舞，更把跳舞片段放上社交平台分享。事隔多月沒跳舞，二人異口同聲表示：「重拾返以前著高跟鞋感覺，以前好辛苦去練舞嘅回憶湧現咗出嚟。」Aka表示今次要著高踭鞋跳，舞步充滿女人味；Heidi笑言：「好耐冇試過著高跟鞋去跳舞，相隔咗好耐，今日著返高跟鞋都有啲困難，差啲仆親。」

那舞技可有生疏？Aka說：「又唔算生疏，其實之前要多啲時間去夾好多動作，但今次大家反而容易跳齊咗，可能係因為兩個人跳。」Heidi則說：「可能兩個人跳舞就位會簡單啲，多人跳就位，動作都會較複雜，要用多啲時間，今次跳舞我覺得都有進步。」
Heidi透露拍畢電影後，有意去上戲劇班進修演技，還打算叫Aka一齊去上。雖然Aka聞言後即答應，但Heidi卻自爆：「之前成日話約埋去上堂學嘢，太多喇，真係唔記得，我哋成日天馬行空想去學唔同嘅嘢，但係仲未學到。」