【Juicy叮】驚揭丈夫返工背包藏10個安全套 港媽欲離婚卻不捨頭家

要維持婚姻關係不容易，面對另一半懷疑出軌時，應如何處理?有女網民於討論區發文指，發現丈夫上班用的背包內藏有10個不同牌子的Condom（安全套），並指兩人的關係開始疏離，「已經講唔上愛」，惟心中不捨得家庭，一直無法提起勇氣離婚。

該女網民於「親子王國討論區」，以「發現老公每日返工嘅背包有堆Condom（安全套）」為題發文，向網民詢問指，「有咩合理原因一個已婚男人每日返工嘅背包放堆Condom？」，並指發現其背包內有10個，分別來自3個牌子的安全套，而且平時丈夫亦「無用開」。

樓主透露，與丈夫育有一名小朋友，惟近年婚姻關係變得疏離，「性生活都係1至2個月1次」，並指在發現安全套一刻曾打算當面對質，但想到很大機會離婚，因此決定暫時冷靜下來，「等自己冷靜下同了解好離婚手續先一炮過」。

樓主直言對丈夫已再無任何感情，「而家已經講唔上愛，只係心底裡唔捨得呢個家」、「關係應該修補不了，因為佢唔會去改變，亦無視我嘅付出」。她又指丈夫雖愛惜小朋友，但卻沒有花太多時間陪伴，而目前樓主只有兼職收入，仍須靠丈夫的家用以維持生計，難以獨自將小朋友扶養成人。最後樓主亦不禁慨嘆，「未有勇氣去搞離婚」、「但願佢呃我呃得高明啲，一世都唔好俾我發現」。

帖文引起網民熱論，有網民建設樓主可先收起安全套，以試探丈夫的反應，「如果你收起晒，佢都冇反應，咁佢都好大膽，擺明你就係知道咗」，另有網民指，「咁明目張膽放一堆喺背囊，又唔怕你會摷到，收都收得咁求其，其實佢係咪都唔介意俾你知」。有人則建議，「先諗清楚仲想唔想同呢個男人一齊生活，才決定點做」，其後樓主亦表示會聽從朋友建議，尋求婚姻輔導幫助，「雖然知道可能幫助不大，但我都諗住試下，至少我盡了力」。     

資料來源：親子王國