【Juicy叮】iPhone墮海網尋潛水員拯救被批唔實際 事主報喜：執得番開到機

有時候「真係未試過都唔知會成功」。日前一名網民在社交專頁發文求救，指其朋友於吐露港下船時，不慎將手機跌入海中，問有沒有人可以幫忙，又問有無人懂得潛水，可以代為下水尋手機。帖文一出，引起網民熱議，有人批評「唔實際」、「手機係咪防水先」、「執番都無用啦」、「有無人真係會幫你潛水搵手機呀」，亦有網民說「不如買過部啦」。不過，事主昨晚再發帖報喜，稱「多謝谷友幫忙，真係執得返，仲要開到機，正常運作。網民嘩然，大讚「好有愛」，「潛水師兄好掂」。

前日一名網民在Facebook群組「大埔 TAI PO」發文求救，指其朋友於吐露港下船時，不慎將iPhone跌入海中，因手機內有大量資料未有 back up 備份，所以發帖望有網民可以「有冇方法幫幫手？」，亦想識潛水的人幫忙尋回手機。他更發布了照片，顯示手機跌落海的位置。帖文一出，逾百人留言，有網民直言成功尋回手機的機會極低，「浸哂水，搵番都無用」、「以後記得定期 Back up」。

亦有人指「花咁多錢潛水搵，不如買過部，」，亦有人留言「咁麻煩又危險又要裝備，你肯出幾錢先？兩三支樽都未必搵到。」不過亦有人指「要幫手嘅話，出幾錢先？肯出合理價，實有人會幫你朋友」。

不過昨晚樓主再發文，稱「要報喜呀！！多謝谷友幫忙，真係執得返，仲要開到機正常運作，要多謝幫忙潛水搵機的谷友幫手」。網民知悉後感驚訝，留言「好有愛」、「浸完咸水仲開到」、「簡直係奇蹟」、「潛水師兄好掂」、「好人好事好神奇」。

資料來源：大埔 TAI PO Facebook群組