【激洗腦】網民集氣《Chill Club》見 七仙羽處女新歌玩80年代電子風

因為一句「師傅愛你」而成為紅人的玄學家七仙羽（七師傅），繼早前「譚仔話」進軍廣告界之後，今次再下一城推出新歌《師傅愛你》，宣傳及推廣政府消費券！早前七師傅為新歌拍攝MV，今次請來MIRROR的MV攝製團隊負責拍攝，歌曲以韓國女團舞蹈元素糅合80年代香港的電子曲風而成。

七師傅直言非常有挑戰性：「要我又跳又唱真係第一次，希望大家鍾意，支持我，睇多幾次MV，師傅愛你！」她又稱最初埋位的時候的確有點難度，但遇強愈強，很快便適應了：「呢首歌嘅編舞有韓國女團感覺，舞步又要扭腰又要成日要走位，難度唔小，不過你見我身材保持得咁好，因為我一直都有練習跳舞，之前亦都有喺表演過中國扇子舞，所以練咗一排我都駕馭到嘅。」

有不少網民聽完七師傅的新歌留言話好正，但亦有人笑言聽到粗口，甚至有人戲言：「師傅你上《Chill Club》唱多次！唔知有無機會攞最受歡迎女歌手獎？」