【Juicy叮】交3800蚊長女近月失業欲減家用 被家人嫌少促縮至一餐伙食或搬出去

有女網民在網上討論區「親子王國」發文，指其家庭重男輕女，她平常交3800元家用，但因近月曾經失業，找到新工作也無力支付，結果被家人嫌棄少，敦促只包一餐伙食或乾脆搬出去住。

發文者稱為家中長女，還有一個胞弟，家中一向重男輕女，家中有甚麽事情都不能發表意見，否則一開口就被指不對。

她透露，「我一出黎做嘢搵$7,000，就要畀$3,000做家用，即42.86%咁多；但當時份工係要過海，所以車費都用咗$500；而屋企人都話（已經）無攞我一半家用咁多」。

她不忿弟弟投身社會辦事，但都不用交月入4成家用，雖然這十幾年來不知他到底交了多少家用，但她「好肯定係佢鐘意就畀，畀幾多就畀幾多；而根本無畀過佢人工的42.86%咁多」，「我細佬搵的錢一定多我一倍有多」。

而去年底發文者被公司解僱，曾經有3個月失業，到現在找到新工作但薪酬減少了，她透露，上一份工作月薪超過1.5萬元，現在新工就卻不足1.5萬元。她希望有所調整，但家人堅持家用「只可加不可減」。發文者不滿，「其實我由出黎做嘢到現在已加到$3,800，但屋企人都話沒有加過俾佢地；甚至話$3,800好多咩，搵唔到咁多係你無本事；但其實返新工後我都係俾少咗$600」。

發文者抱怨，「其實一直畀的家用屋企好多嘢都唔包；包的只有中午的雞脾一隻及間中在家吃的晚飯」。她當初答應做新工作是因為怕家人埋怨在家好吃懶做，現在找到工作卻又埋怨交少了家用。「屋企人話既然我畀唔到，一係只包我一餐，又或者我搬出去住」，發文者擔心搬出去難以負擔所以十分無奈。

有網民留言，「如果我d屋企人咁絕情，我寧願搬出去住細啲，不一定劏房，5千可以找到分租房。真係好難想像父母收少幾百家用就會同仔女講減少一餐或者要你走，比著我會心淡同傷心。」

不過也有人認為，「你搵萬幾兩萬，食住都畀唔到四千蚊屋企，講真真係好少」、「家用夠唔夠要睇你屋企每月開支幾多。你唔同屋企人住，自己出去住都要俾租同雜費。既然關係唔好，當你租客就計清楚佢。屋企所有開支除人頭，你就會知自己畀得夠唔夠。$3800你搬出去住一定唔夠畀，而且你已成年，有返工，你屋企人可能唔想再補貼你」、「$3800叫夾錢煮飯而已。真係冇資格叫畀家用。在下199x年月入八千畀五千家用，你今日自己試下四千元岀去住睇下夠唔夠洗？收入小就自己想辦法改善.....成年人有自己責任,咪比人叫啃老族吧...」、「你一個海返工就話要減屋企六百蚊，畀我係父母都會嬲嬲地， 所以咪減返你一餐飯囉。」

帖文轉載自「究竟家用俾幾多先至夠」