【能者多勞】忙為子女安排暑期課程 金鈴杭州建校最想做埋老師

香港島婦女聯會主席金鈴昨晚(26日)出席《中國女性百年風采音樂會暨圖片展》，由於女兒係婦二代「茶禮小天使」，囡囡都係席上客。暑假將至，她已經為子女安排咗大量課外活動，上次演過音樂劇後，今年子女都主動要求再次演出，他們將於8月再次登場做音樂劇《十兄弟》。

另外，金鈴透露將到杭州為有份投資嘅學校助陣，今次由好友金華琴牽線，籌備兩年，斥資過千萬。問到會否客串當老師？她坦言都想，以前做過兒童節目，希望有機會參與教學工作。