【Juicy叮】租客倡低市價25%續租 業主提減15%被拒下逐客令對方又轉軚

租客與業主之間的攻防戰容易因錢銀傷和氣，網民在網上討論區「親子王國」發文，租客以經濟差為由，提出低市價25%水平續租，業主原先只是打算凍租，所以反建議低市價15%，結果對方並不接受，雙方不歡而散，租客翌日卻回心轉意妥協，令業主不知如何是好。

業主發文透露，租盤是一個高層海景開揚住宅單位。租客育有2位年幼小朋友，所以在對方入住前特地使用防甲醛的油漆，並更換全新的冷氣。業主指，近日租客提出在現時租務市價下減25%，但最初出租給租客時已經比市價便宜了7%。

業主心有不甘說，「佢話經濟差，叫我減租。我初初諗住freeze租金（其實比現價已經平左6-7%）就算，冇諗過佢叫我減四分一」。「我都覺得減租減得太誇張...佢要求的租金，係我屋苑低層向馬路，仲要細100尺的單位先做到」。

不過業主無經濟壓力，即使無租金都無問題，而且「佢冇搵過我做任何維修的事，完全冇煩我，非常準時交租，係一位非常有禮貌的好租客。」於是請教網民意見。

網民意見紛云，其後業主補充，去地產舖了解租務市場，發現租金不跌反升了少許。結果業主與丈夫協商後反建議在現水平減租7%，即低市價15%，「佢都唔肯，話要減25%, 我話我哋已經係底線，叫佢7月底前搬走」。

結果1日之後，租客卻發訊息，指同意低市價15%的提議，業主就稱有租客心儀所以要考慮，業主認為對方原先只是在試探底綫，「佢唔肯，話唔租，之後再想吃回頭草，但我有朋友已經有興趣用市價租了！」。

網民普遍認為租客是得寸進尺，「no 減太多啦， 反正你唔等錢洗， 寧願等下個租客」、如果經濟真係差，我會減，但大圍經濟最差係上年11月，唔係宜家。其次，出租已比市價低，但租客唔珍惜，仲要覺得比市價貴25%甘多，租客住得吾開心，應該分手了」

帖文轉載自《如果租客要求減25%租金》