【Juicy叮】見工不知面試官為上司家姐打工仔大講公司壞話勁唔醒目

2021-06-26 09:50

有打工仔去見工，不知面試官為現任上司的姐姐，竟在對方面前力數公司的不是。網圖（示意圖）

世界很細小，亂講別人壞話好易傳回對方耳中，到時就尷尬了！有打工仔指，近日有同事去見工，在不知道面試官是現任上司的姐姐的情況下，竟大數上司與同事的壞話，相信該同事之後應該「無運行」了。

有女網民在「香港討論區」上，以「同事見工狂數現任上司點知面試官係上司家姐」為題發文，指公司有一名「乞人憎」同事，平日懶散又無責任心。近日，樓主與一眾同事食飯，上司透露該同事去其他公司見工，怎料面試官為現任上司的姐姐；該同事對此毫不知情，更在面試時力數公司、現任公司及同事的壞話，姐姐事後便告知樓主上司，令事件曝光。

樓主透露，上司已將事件轉達予老闆，相信老闆會對該同事「有所行動」。她批評該同事不懂人情世故，直指「香港好細，好容易撞得返」，認為打工仔工作最重要是打好人際關係，萬一得罪別人，隨時會令自己在行內的聲譽受損。

網民看完帖文後，都紛紛留言指該同事「唔識做」，亦犯了職場大忌，「唔醒目，好易碰釘」、「職場禁忌，見工千祈唔好講前公司壞話，連呢啲都唔識，死得眼閉」、「不懂人情世故，職場難免吃虧」、「interview（面試）唱衰做緊嗰間公司咁蠢都有」。

資料來源：「香港討論區」