湊B到凌晨先陪老公慶祝父親節沈卓盈唔減產家庭事業兩兼顧

2021-06-21 21:30

沈卓盈（Jess）上月在社交網宣佈兒子Jayden出世，她產後首度出席公開活動，今日到尖沙咀出席有線電視宣傳播放「2020東京奧運」活動。她透露在剛過去的周末，與老公杜灝標慶祝首個父親節，「我特登出去買父親節蛋糕，但係工人姐姐星期日放假，為咗照顧囝囝，差唔多到凌晨先有時間慶祝。」

Jess續說：「想老公第一個父親節過得開心同有意義。（BB樣子似你嗎？）我覺得Jayden擘大眼似我，合埋眼似老公。」她又指自己不敢用護膚品和潤唇膏，因為現時仍在餵人奶，亦會錫錫囝囝。問到產後是否會減少工作？Jess表示：「唔會，感恩有工開。（會唔會拍劇？）要睇情況，若然角色同時間配合到，我都OK。（老公肯放人嗎？）肯！我可以有空間呼吸吓新鮮空氣，家庭工作兼顧先會健康。」