8月主持《晚吹》新節目　193 化身戀愛專家為絲打解煩惱

2021-06-10 20:30

由193、浩南（右）及Helen（左）主持的新節目《晚吹—戀講嘢（暫名）》預料8月播出。

ERROR人氣王193（郭嘉駿）近日廣告及代言接到手軟之餘，自稱「ViuTV洪天明」的他，除了為多個節目擔任嘉賓，稍後更有機會單飛主持節目《晚吹—戀講嘢（暫名）》！昨日ViuTV於官方Facebook專頁出Po，公佈《戀講嘢》將由193、「口罩小姐」冠軍浩南（鄭伊琪）及曾參加《美選D.n.A》的譚凱倫（Helen），化身「戀愛專家」為絲打們解決感情問題。

ViuTV於官方Facebook專頁出Po，公佈《戀講嘢》三人將化身「戀愛專家」為絲打解決感情問題。

早前自爆拍過30多次拖的193，回覆傳媒時先「戴頭盔」，自言主力分享朋友經歷，「每集都會有嘉賓分享感情經歷，自己會以男性角度分析，一定照講真話，唔知會唔會搞到人哋喊呢！」並透露節目預計8月播出，暫定26集，若然做得好就長做長有。雖然三爺開新節目，令全城熱切期待，但亦有不少網民擔心有節目被Cut走，有人留言：「唔好cut《空肚講宵夜》同《又要威又要戴頭盔》呀」、「唔好cut唔科學同鬼王」、「其實一至五話題都唔同，好難想邊個冇，不如加開晚吹六、日」等。