原Key唱《暗湧》獲陳輝陽大讚肥仔化妝間俾「女聲」集郵

2021-06-10 18:00

《陳輝陽 x 女聲合唱作品音樂會人來人往》將於本月25日在紅館舉行，也是女聲合唱三部曲最終回。門票上周開售半日即售罄，團隊調整舞台設計後確定加位消息，明天再度發售門票！陳輝陽最近帶同多位女聲四出造勢，日前更與ERROR隊長肥仔（梁業）在Music Panda合作演出！眾人選唱王菲的《暗湧》，肥仔坦言：「歌曲陪我度過人生低潮，每次演唱或聽歌嗰時都好感觸。」

陳輝陽大讚肥仔唱得好好：「錄影時肥仔同女聲都好緊張，但估唔到肥仔竟然咁唱得，更跟女聲原Key唱！高音甜低音準，大家由戰戰兢兢變愈唱愈投入，試咗兩Take之後，已經全部融入首歌。」他又大爆一眾女聲捉住肥仔合照：「肥仔好忙呀，唱完仲要跑下場，不過班女就冇放過佢，係咁捉住佢影相留念！結果成個化妝間變咗集郵大會，排晒長龍係咁影，大家不停扮佢個『Lady Killa』表情。」