星島日報

Chantel唱《戀愛預告》登熱搜第一 坤哥認鐵粉被叫算把啦

2021-06-08 16:30
吳業坤在FB留言「Chantel」及喊喊Emoji自認粉絲。
吳業坤在FB留言「Chantel」及喊喊Emoji自認粉絲。



TVB歌唱選秀節目《聲夢傳奇》早前選出10強,繼唱功被讚的16歲大熱門炎明熹(GiGi)獲網民熱捧後,另一位年僅14歲,人靚聲甜的姚焯菲(Chantel)亦追得好貼。Chantel在第八集獻唱《戀愛預告》,完美演繹戀愛中的女生既清澀又甜蜜的感覺,冧爆無數網民。比賽片段上載24小時已突破25萬點擊,3日後的今天(8日)更去到59萬,連續兩日穩佔網站熱搜榜首位,極有潛力繼GiGi後成為第二位憑單曲表演破百萬點擊的《聲夢》參賽者。

吳業坤在FB留言「Chantel」及喊喊Emoji自認粉絲。
吳業坤在FB留言「Chantel」及喊喊Emoji自認粉絲。
Chantel在節目中獻唱《戀愛預告》,上載3日已有59萬人次收看。
Chantel在節目中獻唱《戀愛預告》,上載3日已有59萬人次收看。

也是參加唱歌比賽入行的31歲吳業坤原來是Chantel的鐵粉,坤哥前日如怪叔叔般在FB寫下「Chantel」名字,然後在留言位置補充原來在節目首播已睇中對方:「I M fans」、「第一集開始」、「生到個咁嘅女就好囉,不過又會勁擔心。」;由於坤哥感情太「澎湃」,擔任Chantel《聲夢》導師之一的歌手JW(王灝兒)忍不住留言:「你放過佢啦。」獲大批網民讚好,而坤哥則繼續回應JW:「我喺公司見到佢都唔敢打招呼。」網民對於坤哥自封鐵粉反應兩極,有人與JW同一睇法,留言取笑坤哥:「算吧啦」、「一陣個小妹妹話唔知坤哥係邊位。」亦有人抵死留言:「你等多佢4年啦,媽媽話未夠18歲唔可以拍拖㗎。」

Chantel人靚聲甜,令人有戀愛感覺!
Chantel人靚聲甜,令人有戀愛感覺!
帶眼鏡學生妹造型好可愛。
帶眼鏡學生妹造型好可愛。

吳業坤在FB自認粉絲。
吳業坤在FB自認粉絲。
吳業坤表示想生個像Chantel咁可愛嘅囡。
吳業坤表示想生個像Chantel咁可愛嘅囡。
JW留言叫吳業坤「放過」Chantel。
JW留言叫吳業坤「放過」Chantel。
吳業坤回覆JW表示連同Chantel打招呼都唔敢。
吳業坤回覆JW表示連同Chantel打招呼都唔敢。
人氣急升的Chantel經常在社交平台分享靚相。
人氣急升的Chantel經常在社交平台分享靚相。

最新回應

關鍵字

相關新聞

熱門文章