憑濃密長髮獲邀做保健品代言人鄭伊健拍廣告瘋狂奔走轉

2021-06-02 17:30

54歲的鄭伊健狀態大勇，最近憑一頭Signature飄逸長髮，獲邀成為保健產品代言人。拍攝當日好大陣象又要跑步、又開價值500萬的超級跑車，即刻諗起Sky哥哥，更有紅衣女Model伴住影相。伊健現場要自度舞步，見佢原地轉身，烏黑長髮好飄逸，54歲有把咁濃密嘅頭髮，46歲髮線上移的吳彥祖應該相當羨慕。

其中一幕導演要求伊健與跑車競賽以展示Man爆魅力，為配合攝影師和燈光師速度，看似簡單的跑步動作，事實上難度極高，但伊健說：「我有熱身和拉筋，今次只負責跑，好輕鬆，最辛苦係成隊Crew（攝影團隊）帶埋器材跟住我跑，來回跑咗好多次。雖然唔使我真係跑得好快，但要拍出效果，需要好好配合。」伊健留了一頭標誌性的長髮多年，原來都曾經擔心過脫髮問題，不過佢有保養秘方：「其實冇得太驚嘅，脫髮跟遺傳基因有關、日常護理問題，我主張多做運動和均衡飲食。」