【Juicy叮】阿媽狂包糉掛滿露台 阿仔崩潰：預備成個6、7月都係食糉做LUNCH

端午節將至，不少市民亦會吃糉過節。有網民近日則在網上發文指，其母親由上月中開始包糉，「今年佢好似整上癮咁，成個露台都掛滿糉」，並崩潰地高呼「成百隻呀！！！！」

該名網民日前在「香港討論區」，以「講起包糉……農曆5月都未到，我媽媽已經包咗差唔多成百隻……」為題發文。樓主指，其母親一向喜歡烹飪，而且經常大量製作，「食唔晒都係常事」，並指她在去年的端午節亦有包糉，將30至40隻送給親友後，並留下約10隻自用。

樓主續指，母親今年在上月中開始包糉，「今年佢好似整上癮咁，成個露台都掛滿糉」。樓主原本以為因親戚朋友今年的需求增加，因此母親才會製作更多糉。誰料，其母親否認，並回答指「只係想包，所以包」。樓主在帖文中不禁崩潰地指，「成百隻呀！！！！」並指即使母親將50隻糉子送出，其他家人吃10隻，「我仲有40隻呀！！！！」，又指自己已做好心理準備，「成個6、7月都係食糉做 LUNCH」。

不少網民則留言指，「慳咗一個月午飯錢，40 隻，可能晚飯錢都唔洗」、「好幸福呀，我都想食糉」、「勤勞的母親」、「呢啲叫做人情味」等，亦有網民對樓主的遭遇感同身受，並指「我老媽子又係呢啲人 ，一到大時大節，一定係咁係咁整年糕、蘿蔔糕、包糉派俾親戚」。另有人則笑言，「去到5月可能已經 200隻，BOOK定醫生」、

帖文來源：「香港討論區」