4歲囡囡重視環保如管家婆 關心妍在家少開冷氣沖涼唔會耐

關心妍今日出席「第26屆海洋公園保育日」啟動禮，她指4歲女兒「心心」在學校學習到環保知識外，自己也會向她灌輸，但女兒似足管家婆會教返他們。她說：「女兒會問知唔知沖涼用幾多水同幾多分鐘，又稱不可以開水喉太耐。她見我沖涼仲得耐就會問仲未出來？我話落緊妝，唔係用緊水。」她坦言在家中會少開冷氣，不過女兒好易出汗，加上頭髮很厚，所以會改剪「冬菇頭」，好彩女兒不愛扮靚，仲要求剪短一些令游泳時更方便。

此外，剛推出新歌《腍》的關心妍，稍後會再推出兩首歌。而她本身有教人唱歌賺錢以維持「妍亮生命慈善基金會」的營運開支，之後又要籌劃暑期班及安排女兒的暑期活動，所以將會好忙。