【Juicy叮】港男奔醫院探彌留婆婆 斥防疫規定繁複致「見唔到最後一面」
2021-05-16 16:39 
新冠肺炎疫情下，部分醫院實施特別探訪安排，病人家屬必須在探訪前填寫健康申報表，以及提供病毒陰性檢測結果。不過近日就有網民不滿有關措施，指日前得知婆婆病危，趕往醫院探望時，卻因要填表及穿保護衣等防疫措施「拖咗十分鐘」，最終未能見婆婆最後一面，令他感到非常心酸。
有男網民早前在網上討論區「連登」發文，指婆婆「由細睇到我大」，半年前因中風及行動不便而只能臥牀；日前他得知婆婆病情轉差，已到彌留狀態，便立即趕往醫院探望，但就遇上「阻滯」。
樓主表示，一名中年女護士做事慢吞吞，代為填表但寫字速度慢，又詢問他們是否有做檢測、有沒有下載「安心出行」應用程式等，接著帶他們穿保護衣，過程用了10分鐘。最終，樓主到達病房時，發現婆婆已經離世，對此感到非常難過，「見到佢好似有眼淚，唔知係咪因為見唔到我哋嚟……」
樓主指，上一次到醫院探望婆婆時，可以先到病房探病，再後補填寫健康申報表，但偏偏情況最緊急的一次，卻要依照程序，更遇上工作效率低的醫護人員，實在令人感到無奈。他又指，受疫情影響，家屬難以到老人院及醫院探望，今次亦因為「呢樣嗰樣見唔切佢最後一面，諗起都嬲」。
帖文引起網民熱議，不少人都同情樓主的經歷，又分享身邊都有人曾遇到類似事件，「有朋友因為填表搞到睇唔到個仔出世」、「老豆入咗醫院差唔多三個月，老豆本身都無咗自理能力，一個禮拜只可以靠護士幫手video call 三至四日，早幾日細菌入血，琴晚走咗，三個月入面，只係恩恤一兩日入去睇到老豆」。
不過亦有網民指，醫院規定要填寫健康申報表及穿著保護衣等，均是為了保障自己及他人，認為樓主不應將責任歸咎於醫院，「叫得你着保護衣即係你親人有某啲傳染性嘅病，如果你探完就咁走咗，最後中埋招，咁邊個負責？」、「唔跟程序，出事邊個負責？」、「諸多阻難你嘅唔係個護士，係措施」。
資料來源：「連登」
最新回應