【維港會】被爆秘密決志信耶穌 夏蕙bb:邊個話我信咗基督就唔信黃大仙

2021-04-29 15:24
夏蕙bb強調自已從小就拜黃大仙,每年年三十晚風雨不改上頭炷香。資料圖片
夏蕙bb強調自已從小就拜黃大仙,每年年三十晚風雨不改上頭炷香。資料圖片

每逢年三十晚都會以搶眼造型到黃大仙祠上頭炷香的藝人黃夏蕙(夏蕙bb),被封為「頭灶香Icon」,不過最新一期《東周刊》報道指夏蕙bb突然「轉會」,秘密決志信主,對此夏蕙bb激動回應稱:「邊個話我信咗基督就唔信黃大仙呀!我生喺黃大仙嘅人,死喺黃大仙嘅鬼」。

報道指,夏蕙bb日前與朋友一同返教會時,多年的痛風竟痛症全消,令她深信不疑,於是在亞洲電視前執行董事葉家寶陪同下,在影音使團舉行的幸福小組中決志歸信了主,當日更與一眾教友打成一片,一同晚餐。

每逢年三十晚都會以搶眼造型到黃大仙祠上頭炷香的藝人黃夏蕙。資料圖片
每逢年三十晚都會以搶眼造型到黃大仙祠上頭炷香的藝人黃夏蕙。資料圖片

夏蕙bb事後回應時激動表示:「邊個話我信咗基督就唔信黃大仙呀!正所謂入廟拜神,嗰日係有朋友叫我食飯,跟住我返教會同佢哋一齊玩,見到人哋點做我咪點做囉,所有神同佛都係大愛、導人向善,我返教會有啲乜問題呀?如果佢哋(基督教)有需要,我嘅慈善基金一樣會撥款畀佢哋。」夏蕙bb又指,因為年輕時曾就讀天主教學校,曾向天主禱告希望自己能夠生兒育女,如果願意達成,必定將最大的女兒成為天主教徒。講得出做得到,故大女兒出世後,夏蕙bb立即幫她洗禮。

為證明自己仍然篤信黃大仙,夏蕙bb立即到黃大仙祠三跪九叩,她強調自已從小就拜黃大仙,每年年三十晚風雨不改上頭炷香,又指自己年年都拜,所以年年都無事。期間夏蕙bb一度淚曬當場,誠意十足。

關鍵字

最新回應

關鍵字

相關新聞

熱門文章