【維港會】揭男友曾讚好異性情趣內衣照 港女感難接受欲分手
2021-04-28 10:00 
有些事寧願「唔知好過知」？有港女指，近日用社交媒體Instagram的推薦用戶功能時，意外發現男友曾對女性友人穿情趣內衣的照片按讚，令她感到難以接受，不禁直呼「好核突」。
有女網民在網上討論區「Dcard」發文，指自己日前用IG時，意外點進「推薦用戶」，竟發現男友曾「畀like」一名女性友人的情趣內衣照，遂大呻「救命，好核突」，認為IG這個功能「好可怕」，並指責男友偷偷讚好其他女子的照片，應開設另一個帳號，「唔好俾我發現」，直呼「我唔會再撳入IG推薦嘅用戶喇」。
樓主補充，她為了此事向男友「攤牌」，對方卻直指不記得，更反斥她「只不過係like post都攞出嚟講」，之後亦開始心情煩躁，嫌樓主麻煩、不再理會，即使樓主指責他性幻想「相中人」，男友亦無否認。
樓主續稱，她其後更發現男友在追求她時，曾在朋友的帖文留言「話佢好誘惑」，她表示自己當時若知情，一定會拒絕與對方交往。如今因一事而感情生變，樓主坦言忙完大學本學期的功課及考試後，便會向男友提出分手。
帖文引起網上熱烈討論，不少網民都建議樓主分手，「畀我真係會即刻分手」、「直接分手啦⋯點解仲忍，我ex（前度）都係咁，我唔開心仲躁返我轉頭，一齊幾耐辛苦幾耐，早走早著」。
但亦有網民認為樓主男友的行為不成問題，更指樓主反應過大，「其實...有咩問題？like相啫，又唔係出軌」、「咁你係咪完全唔睇靚仔先？見到啲歐巴曬肌肉自己就哇哇叫，而家自己條仔like下張相又瓜瓜叫。咁唔信任自己條仔咪分手囉」。不過樓主就回覆指，男友讚好女性友人情趣內衣相的同時，亦禁止她讚好其他男性的性感照，直指覺得不公平。
資料來源：「Dcard」
最新回應