【維港會】怪父陪女兒開Zoom上堂 老師困惑:教小朋友定教佢

2021-04-27 17:52
怪父陪女兒開Zoom上課,令老師大感無奈。示意圖(網圖)
怪父陪女兒開Zoom上課,令老師大感無奈。示意圖(網圖)

疫情持續一年多,大家都已經習慣了網上授課,而近日一名小學老師分享,指某位父親堅持要陪同女兒開Zoom上堂,更替女兒回答問題,令老師大感無奈。

該名小學老師上周日(25日)於FB專頁「生仔要考牌系列」投稿,指學校在疫情下一直採用Zoom授課,而大部分學生在上課時都十分合作,但某位父親卻堅持每日都要陪同女兒一起上堂,「你坐隔離旁聽唔係問題,問題係每次點名、問問題、做任何事,當問親阿女嘅時候,都係爸爸出聲」,令事主不禁質疑到底是爸爸在上堂還是女兒在上堂。

除此之外,父親每日都提出其他新問題要求老師解答,大大影響了課堂進度,「上堂明明啱,佢要突登捉我錯處,之後又浪費10分鐘同佢一個人解釋;追功課,我問阿女有咩解釋,當然又係爸爸搶住答,最後浪費咗15分鐘課堂時間去處理佢嘅問題」。事主表示,全校的老師和學生對他都避之則吉,而且該名女學生亦因此感到十分大的心理壓力。

帖文引起網民熱議,不少網民都認為家長應該放心讓孩子學習,「如果下下都家長睇實哂,無論家長或小朋友都無進步」、「小朋友要成長,大人一樣要成長」,亦帶網民體諒老師的辛酸,「疫情咁耐,真心覺得老師唔容易,一個老師未必教一班,又未必係教一科,加油」。

資料來源:FB專頁「生仔要考牌系列」

疫情下不少學校都改為網上授課。示意圖(網圖)
疫情下不少學校都改為網上授課。示意圖(網圖)

關鍵字

最新回應

關鍵字

相關新聞

熱門文章