【出院第一晚】執返條命仔好感恩 余慕蓮:幾驚冇機會返出嚟

2021-04-27 01:29
余慕蓮終於出咗院,真係一身都鬆晒。
余慕蓮終於出咗院,真係一身都鬆晒。

83歲余慕蓮(魚毛)去年10月底因肺纖維被送入院,期間傳出她患上血液炎,一度入住伊利沙伯醫院深切治療部,經過半年治療病情穩定,昨日終於出院。雖然魚毛姐包到實坐輪椅由醫院推出來,身形清減現「筷子腳」,但精神奕奕。魚毛甫出院即接受了車淑梅的電話訪問報喜,她多次用輕快語調表示,很開心及感恩大家嘅關心,卧牀半年的她還變得幽默,笑住說:「𠵱家最希望係盡快可以企返起身。」

坐梳化睇劇舒服晒
經過一場大病余慕蓮開心謂:「返到屋企好開心,印傭幫我由頭洗到尾,沖涼洗頭及剪手腳甲,因半年冇剪好長,𠵱家坐喺梳化度睇電視,舒服晒,唔使瞓牀瞓到『籮友』爛。」車淑梅表示她消瘦了很多,余慕蓮直言:「半年喇,執返條命仔已經好感恩,我驚冇機會返出嚟呀...我真係諗住出唔到嚟,因為要做大手術,仲要喉嚨開窿插喉用氧氣,𠵱家傷口已埋口,好感恩,感謝唔同宗教信仰嘅人為我祈禱和祈福,亦感恩大家嘅關心。」

余慕蓮終於出咗院,真係一身都鬆晒。
余慕蓮終於出咗院,真係一身都鬆晒。
因肺纖維被送入院,經過半年治療,昨日包到實出院嘅余毛驚現「筷子腳」。
因肺纖維被送入院,經過半年治療,昨日包到實出院嘅余毛驚現「筷子腳」。

今日要去銀行撳錢
至於不想大家接她出院,她解釋:「第一,係因為醫生話疫情好犀利,又出現有變種,而我啱啱康復,身體好弱,醫生怕我接觸到外界的嘅人,會受感染;但有好多人喺醫院門口『捕』我,我只可以揮手打個招呼,唔可以接受訪問,同人傾偈,因為醫生叮囑我只能做電話訪問,而且暫時唔方便畀人嚟我屋企,仲要盡量少出街,出街一定要戴口罩。不過今日會有人用輪椅推我去銀行,因為錢已花光,要出糧畀印傭和伙食費,仲要交管理費。」

希望快啲企返起身
她稱回到家中的第一餐飯,是吃蕃茄薯仔牛肉湯,並會叫印傭多煲猪肉湯或魚湯,但暫不能進補。她更感激薛家燕經常致電慰問,還有吳麗珠、安德尊等,而現在的印傭是由米雪介紹、很純品;另外亦寫了感恩卡給醫護人員,包括為她換片(尿片)的人,暫時晚上仍會用片。因卧牀半年搞到雙腳無力,醫生亦建議印傭陪她多行路,她已買了輪椅、學行車、及做運動的單車回家。余慕蓮掛線前表示:「要再一次多謝關心我嘅朋友,我已回家喇,大家唔使再擔心,多謝大家多年嚟仲記得我,回到家我好開心,𠵱家最希望係快啲企返起身。」

醫生叮囑她只能揮手同傳媒打招呼,唔可以做訪問。
醫生叮囑她只能揮手同傳媒打招呼,唔可以做訪問。
大姐明一直好關心余毛。
大姐明一直好關心余毛。

余毛喺醫院治療期間經常同鄧達智視像。
余毛喺醫院治療期間經常同鄧達智視像。
余慕蓮好想康復後同一班老友吳麗珠、黃淑儀、盧海鵬、邵音音、賈思樂、黃韻材(黃允財)、鄧英敏、陳勉良、梁舜燕及譚倩紅等齊開心暢聚。
余慕蓮好想康復後同一班老友吳麗珠、黃淑儀、盧海鵬、邵音音、賈思樂、黃韻材(黃允財)、鄧英敏、陳勉良、梁舜燕及譚倩紅等齊開心暢聚。
執返條命嘅余毛,好想盡快企返起身行路。
執返條命嘅余毛,好想盡快企返起身行路。

最新回應

關鍵字

相關新聞

熱門文章