唔再淨用影響力幫人 向佐落手落腳派物資

向佐到荃灣二坡坊，為慈善活動「人間有情關注劏房戶」派發500份防疫物資及糧油食品，現場有不少有需要人士排隊領取，人頭湧湧。向佐透露不是第一次舉辦同類型活動，說：「今次係因為過兩日我就返內地工作，我想自己舉辦一次。」為何有這個構思？他說：「我真係覺得經過19年事件，20年疫情，好多人需要幫忙。唔係淨係用影響力幫人，係落手落腳，見到好多住劏房嘅人，有需要嘅人，真係好可憐。火蠋、疫情或者被人打，有暴力行為。」

問到可會否發起更多志同道合藝人，幫助基層市民？向佐說：「往後我都好想多啲有影響力嘅藝人，唔同範疇嘅人，一齊去幫忙。因為對我嚟講，香港係我嘅根，係我屋企，我好重視，希望自己幫到幾多就幾多。作為一個中國人，香港人，我希望大家可以團結。」