美劇《柏青哥》加拿大殺青 李敏鎬雪山興奮揸電單車

韓國男星李敏鎬在社交網上載兩個滑雪Post，身處加拿大拍攝Apple TV+劇集《柏青哥》（Pachinko）的他，工作時都不忘玩樂輕鬆吓。前日他與一班友人上雪山，李敏鎬仲Chok住揸電單車飛馳。眾人又同壯觀景色齊齊合照，簡直滿足晒大家旅行癮。

昨日李敏鎬再貼出兩張雪地相片，他留言：「bye canada thx fans in vancouver（加拿大再見，謝謝溫哥華的粉絲）」，又與雪山山頂的韓國及加拿大國旗Selfie。《柏青哥》已在本月10日殺青，唔知李敏鎬係咪準備起程回國呢？

《柏青哥》改編自美籍韓裔作家李珉貞的同名小說，講述韓國日佔時期，李敏鎬飾演的男主角「Koh Hansu」帶同家人移居到大阪，最後更成為成功企業家。