【大方唔嬲】被阿Bob夫婦重演台慶「黑面」場面陳自瑤：最緊要觀眾睇得開心

2021-04-19 19:40

昨晚無綫《開心大綜藝》重演陳自瑤(YoYo)TVB台慶頒獎禮「黑面贈興」事件，安排林盛斌扮王浩信獲頒視帝時台上感言，而坐喺台下嘅林盛斌老婆Pearl幫手扮嘢，木無表情黑面交戲。吳若希扮坐喺旁邊「O晒嘴」嘅何依婷！陳自瑤今日錄影無綫《好聲好戲》時表示，因為太忙昨晚沒有看電視，所以不知有這件事。她強調不會介意，只要觀眾開心就好，更笑住形容那一幕是自己的代表作，向好方面去想，有人扮自己都是開心事，相信之後她還會有代表作。

提到錄影無綫新綜藝節目《好聲好戲》，陳自瑤坦言挑戰配音工作好大壓力，更緊張到發惡夢，夢見要配音時找不到稿要楊潮凱安慰，覺得配音工作毫不簡單，自己較喜歡演戲，但如有配音工作也歡迎。為怕練到聲沙，所以只能夾嘴型來練習，一旦發現喉嚨發炎即刻吃消炎藥，

對於好姊妹連詩雅最近在內地工作，有傳緋聞男友陳家樂因此趁機搭上前港姐黃嘉雯，YoYo為免愈描愈黑，避談表示不知道。

另外，林盛斌老婆Pearl(黃乙頤)今日喺社交網站就昨晚客串演出貼圖留言：「收到好多朋友嘅WhatsApp同PM，有部份人仲話我好適合做戲，真係非常之多謝大家嘅，不過我其實係冇交戲，我只係做返我平時黑佢(Bob)面嗰個樣。」