IG被盜用18日終奪回控制權　朱晨麗嘆：俾人偷錢都冇咁失落

朱晨麗（朱朱）趁愚人節（1日）在Facebook宣佈，個人IG帳號於7日前被盜用，當時她仲叫大家一齊集氣，希望可以盡快用得番個IG；早前，她又透過好姊妹陳煒的社交網「報平安」，結果事隔半個月，朱朱日前終於取回IG「控制權」！她上載了兩張Selfie，並寫道：「I’m back！我個帳號終於都返嚟啦！果然功夫不負有心人，係（喺）我就嚟放棄之際～奇蹟就出現！多謝各路大神嘅相助，俾（畀）我重新搵返（番）消失咗18日嘅IG！萬分感謝！哈哈哈，好開心，好感恩，要好好慶祝下啦啦啦！」一眾好友陳自瑤、林夏薇、鄧佩儀等紛紛送上祝賀，緋聞男友何廣沛更爆粗驚嘆：「Omfg.」對於陳煒祝賀她「回歸」，朱朱表示︰「感覺簡直就係俾人偷錢都冇咁失落。」