【四代同堂】梅小惠小青送拉錢蛋糕 89歲梅太后見錢串目瞪口呆

2021-04-13 21:45

梅小惠和退休金牌監製梅小青兩姊妹，今日分別在社交網分享為89歲媽咪賀壽的照片及短片，所見四代同堂相當熱鬧，梅老太相當有福氣。小青姐好有心思，為媽咪準備了一個好意頭的拉錢蛋糕，令梅媽媽笑不攏嘴。片中小青姐協助梅媽媽拉出一串銀紙，小惠問阿媽睇唔睇到咩嘢嚟？梅媽媽見到拉出多張500元及100元紙幣一臉驚喜，大家也嘩嘩聲，叫她繼續拉唔好停，由於一串銀紙愈拉愈長，身邊的小惠說：「唔好遮住阿媽個樣，摟住佢。」還將一串銀紙繞在媽咪頸上，場面既溫馨又搞笑。

小青姐留言：「拉錢蛋糕出了很久，但我知媽咪未見過，所以秘密地為媽媽做了一個，果然媽媽笑逐顏開，媽媽開心，我哋就開心。祝福我哋嘅皇太后身體健康，開心順意每一天。」她還tag了「每年都可以為媽媽祝壽是我們的福氣」，89歲的梅太后的確笑不攏嘴。
另外，小惠亦在社交網貼出被媽咪攬到實的相片，有網民送上祝福，還讚她是孝順女。