陳自瑤強調台慶夜冇黑面　 方力申北上開工從未遇女星敲門

陳自瑤（Yoyo）、方力申（小方）和馮盈盈為節目《Master's Talk師父有請》擔任嘉賓，談到藝人命格有是非才會紅，小方笑指Yoyo一定會爆紅，事關她在《萬千星輝頒獎典禮2020》中的「黑面」表情被瘋狂洗版，更登上網上熱搜全國Top 10，他說：「有錢都買唔到呢個位，我仲收到風，佢啲粉絲上升幾十萬。」Yoyo聞言即傻笑說：「我澄清先，大家唔好笑住，我冇黑面，你拎番張相出嚟睇，我係冇黑面呀！當下個表達係冇乜表情，比較淡然，我冇黑，塊面仲有『令』嘅。表情係淡然冇黑面亦冇不悅，但人哋解讀好多嘢。」並謂沒料到一、兩秒便成為話題，獲網民封「最佳視后」的她續道：「多謝大家，我終於成為視后。」

節目中，主持麥玲玲又列出小方歷年的緋聞女友，包括鍾欣潼、周勵淇、胡心諾、傅穎、周秀娜、何超蓮等，曾合拍《大細心》MV的Yoyo也包括在內，兩位當事人即發誓從沒拍過拖，又澄清自2006年拍畢MV後幾乎沒見過面。有傳胡心諾曾向小方「抄牌」不果，小方坦承不經常與圈中女性交換聯絡，他說：「大家都知我有拍過10年嘅拖，人人問我對愛情點保鮮，就係雙方遠離各方面引誘，世界有好多引誘……」語畢盈盈和Yoyo即時尖叫，大讚小方是絕種好男人，小方稱：「雖然不值得驕傲，但我在內地工作多年，從來沒遇過女演員敲門。」

至於入行至今是非不斷的盈盈，也不解自己為何如此惹負面新聞，她說：「其中一個月唔更新社交平台同唔出街，點知地球繼續轉、繼續有新聞，我每日會搜尋自己個名10次，好似開六合彩咁睇吓今日開咩話題先。同朋友正常社交啫，我都唔明，人食飯我食飯，間餐廳咁大，硬係有啲咁八卦人周圍亂咁偷拍，報料人有錢收，最嬲係我冇份收，佢哋收萬幾蚊分分鐘貴過我一集騷錢。」