【日日媽媽聲】3女友合力擋妖魔鬼怪 鄧兆尊自言識得尊重女人

余安安、羅敏莊、陳凱琳主持的TVB新綜藝節目《日日媽媽聲》昨晚首播，請來袁詠儀（靚靚）擔任嘉賓外，還有鄧兆尊到來給4位媽媽「嚴刑逼供」。
擁齊人之福的兆尊自言是沒腳雀仔，對愛情有其一套看法。一上場就被一輪嘴問到：「點解你唔結婚呢」、「點解你唔生呢」、「其實係咪你有心無力」、「你係點分配時間」？安安姐更爆他在等候時瞌睡，是否很累？兆尊直言是。問到阿大如何接受阿二？兆尊指阿大先離開，阿二乘虛而入，並以受害者自居，令在場一眾媽媽嘩然及發出噓聲。他說：「粵語長片橋段，係隊冧。我返酒店就鎖門…（跟住醒返得條毛巾嗰啲？」係，冇錯，真係！」
至於阿三則難度較高，兆尊說：「呢個冇呃我，但神化少少，佢話係上天派落嚟。」羅敏莊即自認也曾用這橋段。至於不結婚因為是香港一夫一妻制；不生小朋友原因是一個生，幾個都要生，生得多會好煩。他坦言女友們有要求過生B，但後來看到他弟妹有孩子後的反應，太大責任了，覺得她們不夠成熟去生B。

兆尊謂在他調解和諧下，3女友沒拗撬紛爭，算很融洽，因為時間全部分配好，一人輪一日。他坦言期間有其他女生出現，3人有聯同一齊對外，「好似《西遊記》咁，我係唐僧，啲徒弟幫我擋其他妖魔鬼怪。」過時過節分配，做冬一齊食飯，在他家沒情人節。搞笑是羅敏莊說食飯前老公都會錫她，問兆尊如何分配先後？兆尊未答，陳凱琳已在鏡頭前點名老公：「鄭嘉穎，你要檢討吓！」
當兆尊說到與女友們單獨相處，自言是識得重女人的人時，靚靚和陳凱琳即相視大笑。現場有媽媽問到如何分老大、阿二、阿三？他即說：「冇分大細，一分就死㗎啦！」又笑言一齊住就會火燭，所以分開住，同區不同住所，還有定位追蹤，有古怪就視像通電查他行蹤，「佢哋有個群組可以傾，三司會審！」問到沒有下一代情況下，將來死後遺產如何處理？兆尊先澄清錢不多，沒太多事要交代，亦已跟她們傾好，互相照應。被讚已處理好事件很成熟，所以才可享齊人之福；兆尊卻謂：「唔係㗎，唔係好事嚟，呼籲大家唔好做。」
雖然兆尊應付問題反應快，但仍在快問快答環節令現場觀眾不滿意下，最終被水照頭淋。兆尊說出感受謂：「男性對女仔好啲啦，有返責任感，個世界會開心好多！」