《餓底送上門》試盡上門服務 盧頌恩重到上唔到鋼管好挫敗
2021-04-09 22:30 
盧頌恩（妹頭）和李尚正（阿正）主持的香港開電視節目《餓底送上門》將於下周一（12日）晚首播。在疫情重擊下，香港各行各業為掙扎求存被迫轉型「送上門」，今輯兩位主持將以身試探各種上門服務，包括「在家」打泰拳、鋼管舞、健身、按摩、種菜、美髮等，當中妹頭對玩鋼管舞最為難忘，她說：「第一次試玩，估唔到喺屋企都可以玩，真係幾難忘，加上Miss（鋼管舞導師）又好性感，事前自己都驚招架唔到，到真正試玩嘅時候，我同阿正仲重到上唔到條鋼管，令自己好大挫敗感，話晒自己之前都跳過舞，但而家自己連鋼管都上唔到，真係年紀大喇。」
除鋼管舞外，妹頭表示跟李尚正打泰拳亦十分惹笑，她說：「我哋都未學完嗰堂泰拳，已經忍唔住要對打，見到阿正就好想打佢，阿正都唔會憐香惜玉，我哋成日狗咬狗骨，佢都唔係好當我係女仔，最終梗係阿正贏啦。」
關鍵字
最新回應