【威廉性伴風波】麥貝夷爆前度偷嗒好友　裕美成嫌疑人：躺着也中槍

麥貝夷（Karene）早前在社文網出Po向拍拖3年的前度「賀壽」，大爆對方性伴侶數量多得驚人，由於當日正是跟她傳過緋聞的翟威廉（William）36歲生日，William隨即成為最大嫌疑人！消息曝光後，William火速向傳媒否認雙方拍過拖，但直認單身7年不缺「伴侶」，香港、日本、韓國女仔都有，並向Karene道歉：「如果真係有任何嘢令人唔開心或者誤會，我向佢講Sorry。」對此，Karene只表示不想事件繼續發酵，對不必要的說法和揣測也不會再多作回應。

以為「性伴風波」就此結束，未料事後Karene接受傳媒訪問時，又再爆料指「前男友」曾搭上其朋友，由於她指第三者「理論上係香港人」，令人猜測對方就是其好友、中日混血兒裕美。不過，裕美已急急否認，仲寸爆介紹精神科醫生畀Karene睇，今午她又於IG出Po申冤：「躺着也中槍！要講請講清楚點，唔好惹人懷疑。」至於當事人Karene就相約好友許嘉浩（Karl）食飯嘆紅酒，昨晚又轉發Karl於IG Story貼出的兩人合照，並留言：「希望食餐好，可紓解心入面嘅屈（鬱）結啦，辛苦朋友們這段時間的輪流陪伴啊！」