星島日報

【獨家】「懷疑」事件被恥笑無損心情 莊思敏食Tea現古怪雙下巴

2021-04-08 19:30
連日被網民「懷疑」狙擊的莊思敏無損心情,日前約男友人落銅鑼灣食Tea。
連日被網民「懷疑」狙擊的莊思敏無損心情,日前約男友人落銅鑼灣食Tea。

上月才跟台灣老公楊秉逸隔空慶祝結婚一周年的莊思敏,因為4月1日在社交網貼出蝦碌Po:「永遠懷疑哥哥(張國榮)!」惹來全城嘲笑,仲被狠批唔識字兼對哥哥無禮。雖然連日被網民「懷疑」狙擊,但無損莊思敏心情,繼續靚相日日Po,趁住復活節長假又出街打卡。日前《頭條日報》記者於銅鑼灣撞到她與一名男友人單獨約會,傾多過食的莊思敏仲High到驚現激「凸」雙下巴,加上着鬆身裙兼踢住對平底鞋,係咪有咗?。採訪:梁志明

連日被網民「懷疑」狙擊的莊思敏無損心情,日前約男友人落銅鑼灣食Tea。
連日被網民「懷疑」狙擊的莊思敏無損心情,日前約男友人落銅鑼灣食Tea。
莊思敏傾到雙下巴凸晒出嚟。
莊思敏傾到雙下巴凸晒出嚟。


日前下午4時許,年過四十的莊思敏與男友人在利園三期的BELGOS嘆比利時菜。貴為大馬拿督千金兼模特兒出身的她,當日以一身黑色連帽衛衣裙,襯一對懶佬布鞋當拖鞋踩踭着,加上一頭散亂頭髮,離遠睇十足隔離屋陳師奶落街買餸一樣,非常「街坊」!其間,即使餐點已經送上枱,但二人仍雞啄唔斷,繼續細聲講大聲笑,未知是否因與男士撐枱腳怕被人誤會呢?已為人妻的莊思敏全程提高警覺,不時環顧四周,非常緊張。

莊思敏下巴肥肉上的「水餃仔」異常突出,相當得意!
莊思敏下巴肥肉上的「水餃仔」異常突出,相當得意!
莊思敏同男友人撐枱腳期間,不時四處張望。
莊思敏同男友人撐枱腳期間,不時四處張望。


水餃下巴好突出
隨後記者換個角度行近啲再影,化上淡妝、塊面脹卜卜的莊思敏幾乎冇乜點食嘢,不停手指指又擘大口狂笑,仲忘形地傾到雙下巴都凸晒出嚟,頓時令人想起電影《瘦身男女》中的「肥Sammi(鄭秀文)」造型!忽然發脹,唔通早前已被指肚凸凸的她真係「造人」成功?不過仔細再睇,從莊思敏大側面見到下巴肥肉上的「水餃仔」異常突出,相當得意!最後傾足超過一個鐘先埋單,男友人自己去攞車,莊思敏就獨自登上坐駕離開。

疫情下莊思敏徒手捽眼,疫情未過㗎喂。
疫情下莊思敏徒手捽眼,疫情未過㗎喂。
莊思敏與友人傾咗個幾鐘先離開。
莊思敏與友人傾咗個幾鐘先離開。
莊思敏獨自登上7人車返屋企。
莊思敏獨自登上7人車返屋企。
莊思敏出Po「永遠懷疑哥哥」悼念張國榮。
莊思敏出Po「永遠懷疑哥哥」悼念張國榮。
莊思敏趁老公去年底回港時積極「造人」。
莊思敏趁老公去年底回港時積極「造人」。

最新回應

關鍵字

相關新聞

熱門文章