搽粉藍指甲油大玩中性風　GD登封面晒發「令」幼腿

韓國天團BigBang隊長G-Dragon（GD）近日為韓國一雜誌的13周年特別版拍攝封面及內頁，該雜誌表示GD作為全球知名的流行歌手，絕對是特別版主角的不二人選。GD為今輯相片演繹不同造型，繼續大玩中性頹廢風，好似穿上白色Chanel Tweed外套孭珠鏈手袋、桃紅色花邊針織衫襯闊牛仔褲、千鳥格西裝褸襯白Tee等；其中一個造型，他更以綠色大褸內搭黑白恤衫、超短褲加Sharp黃襪仔，露出一雙「令」到發光的幼腿，相信呢個潮Look，都真係得GD先Carry到！

相中，GD又搽上粉藍色指甲油，當中也不乏拎打火機、吸煙、舉機反偷拍，突顯他叛逆又不羈的個性。而最特別的是，今次鏡頭模仿GD出入時被媒體影到的畫面，好似喺車上或馬路間不經意望鏡、一身「機場時尚」Chill住行出嚟有保鏢跟實等，相當型格！