【維港會】00後新同事入職 90後港女秒變「阿姐」嘆時移世易

2021-04-05 10:48

每當公司出現年輕新同事，不少前輩都會慨嘆自己「越嚟越老」。有港女表示，近日公司有「00後」男生入職，同事紛紛稱他「細佬」，而當年曾被稱「阿妹」的她，如今驚覺已變「阿哥阿姐」，不禁感嘆自己像是被逼成長。

有女網民在「香港討論區」上，以「90後有冇覺得自己返工已經冇得再比（畀）人叫阿妹細佬...」為題發文，指自己任職的公司近日有新入職的男新人任職接待員，身為「00後」的他，被不少同事稱為「細佬」。

樓主回想4至5年前，自己仍是20歲出頭，同事上班時不僅會稱她為「阿妹」，更會因她天生童顏，而笑問她「夠歲未」。她感嘆時光飛逝，自從新同事的年紀越來越小後，自己便不再是新人，「我地呢啲已經係X姐、X哥」，又坦言「明明都仲係2字頭....但好似已經出咗嚟做嘢好耐...個世界好似逼住大家成長得好快咁」。

帖文引起一眾網民共鳴，不少人都因「時移世易」而大感無奈，「無計啦，逝者如斯夫，後浪推前浪」、「而家變叔叔嬸嬸」，有人就鼓勵樓主向前看，「一個人始終都需要成長」、「被人叫多幾次就慣」、「人一定會老」。

不過亦有人諷刺樓主，「你去街市都有機會有人叫你細佬妹」、「你就快比人叫姨姨」、「90後都老啦，90年都30歲啦，係職場做嘢6，7年，點會仲畀人叫細佬，細妹」、「仲細佬細妹，你知唔知醜」、「唔叫你阿嬸咪算好囉」。

資料來源：「香港討論區」