余香凝開估佗B女 羨慕老公有今世前世情人愛錫

余香凝（Jennifer）去年聖誕節宣布懷孕，之前因為醫生指BB的Size較小，令她一度擔心得哭出來，然後就不理身形狂食，專心養胎，終於追回BB的Size。
一直對BB的性別保持神秘的Jennifer，趁今日兒童節開估，宣布懷B女，並上載和老公陸政渡（Tim）一起影的孕照。雖然性感欠奉，但Tim輕吻她的額頭，兩人的手都放在孕肚上，非常溫馨。她留言：「It’s a GIRL!!! 好多人都好叻呀！估到係女仔 原來女仔嘅肚真係會特別圓 老公 以後有今世情人同前世情人一齊愛錫你 你就幸福啦 人地（哋）話生女多數都會痴（黐）住爸爸 希望到時都會痴（黐）下我啦」。