【維港會】女友要求為單人「staycation」埋單 港男批自私：我無份玩又要俾錢

疫情持續下市民都無法外遊，到本地酒店「staycation」漸變成另一種流行度假方式，近期部分人更升級至追求享受一人度假的「selfcation」。有網民近日在香港討論區吐苦水，大嘆女友聲稱要到酒店「selfcation」，卻要自己掏腰包付錢，做法太自私，引來網友熱烈討論。

事主日前發帖提到，自己本來對「staycation」並不反感，「當係出去瞓一晚」。近日其女友聲稱要「學外國咁自己去 Selfcation」，獨自去酒店住，「呢排好似又話唔興Staycation，變成Selfcation，即要乜『學習自己獨處時間』、『學識自己同自己溝通』」。原先他認為此舉並無不妥，直到女友傳來尖沙嘴某酒店海景客房3,000多元的訂單，加上當天參加工作坊、晚餐等費用合共7,000至8,000元，要求埋單，事主即大感不滿，認為女友太自私。

「想要Chill（放鬆）想要休息自己畀錢吖？我又冇份玩，佢又要我畀錢？家吓啲女人係唔係都咁自私？」港男事主又認為，與其花數千元到酒店過夜，將錢儲起來待將來外遊豪玩一番更化算。「拎兩件衫，使一大筆錢，去住酒店，再使一大筆錢叫room service（客房服務），點解唔留多啲錢，下次去旅行使多啲？」

對於事主的經歷，不少網民都認同事主女友自私，不應為此埋單：「點解佢要玩，要你比（畀）錢？？」「女朋友又唔係老婆，唔好比（畀）錢寵壞佢 。」

同時，亦有網友提醒，其女友或許未必真正享受「selfcation」，事主應該更小心留意，「自己比（畀）錢 selfcation先有意思，你女友應該係staycation不過唔係同你 」、「但係你小心佢條另一條仔去 」。

來源：香港討論區