【維港會】特殊同學屢將文具放兒子桌不從即哭鬧 網民勸港媽包容

有港媽在網上討論區「親子王國」發文，指就讀小一的兒子有一名特殊學習需要同學，屢將他的文具放在兒子的桌面上，如果不從同學即哭鬧，令這位港媽十分無奈。

港媽透露，兒子班上有一位同學，不斷拿去文具、玩具排在桌面上，阻礙他上課，「老師勸極都唔聽，拉開佢去另一邊坐就大叫同喊，係都要排文具，日日上堂都係重複咁做」，港媽慨嘆「上堂時間咁寶貴，真係唔知可以點」，「我個仔都叫過佢好多次拎返走啲嘢，佢都唔理人」。

港媽認為現行政策缺乏靈活性，「其實咁樣嘅話何必要勉強小朋友上主流呢，大家都辛苦...我都好認同要處理左特殊同學嘅問題先，至少唔影響其他人上堂，咁樣推融合教育都唔係咩問題嚟嘅。諗諗下佢對我個仔係冇惡意嘅，我個仔都唔係好識點樣同果位同學相處。」。

有網民奉勸家長、同學包容諒解，「每校每级總有呢類同學，學校一定會處理，慢慢教返佢只是時間問題。家長同學多包容，正一佢自己都唔想，同樣如果自己仔女係咁你希望其他人係包容還是歧視？」、「好睇學校有無為特殊學生提供足夠嘅資源同教材，當然同學嘅包容都重要，咁樣無論係老師，正常同學定特殊同學都無咁辛苦」

也有過來人體會與特殊學習需要學生相處的難處，「哥哥以前班上都有一個脾氣暴躁有攻擊性學生，可以在班上令老師哭，又針對我個仔，跟老師說都無辦法，有問題學生家長又唔理，最後叫我報警。那時哥哥放學會很不開心，要長期做心理輔導，最慘小五六兩年同班，想起都難捱」。

有人說，「我有個朋友佢仔又係有自閉，但家長仲同佢報band 1 小學，最後上堂影響其他學生，老師又大壓力，個小朋友學業跟唔到，其他正常同學又唔鐘意同佢玩，融合學習實行上根本好多問題。其實我哋都勸個朋友不如同佢仔轉校，去返啱佢程度或多啲類同小朋友既學校，但有時咁講佢會覺得我哋岐視佢仔會唔開心 」。

也有人透露現今一些學校有影子老師觀察住這些小朋友「我係差不多五六年班個仔話我聽，我先至知道原來有個影子老師入班，我仔話三四年級已經見！佢哋叫嗰個老師做哥哥，因為佢主要都係睇住嗰位同學，唔會牽涉入去佢哋其他小朋友嘅教學方面，我覺得佢似係教學助理多啲 」

帖文轉載自《我個仔班上有個好似係自閉既同學》

根據教育局資料，2018 / 19學年間，於一般公營中、小學就讀而有特殊學習需要（SEN）的學生人數近5萬人。特殊教育需要的學生通常具有一項或多項學習困難，主要類別包括如聽覺受損、視覺受損、身體弱能、弱智、情緒及行為問題、專注力不足及過度活躍、自閉症、溝通困難、讀寫困難、資優等。