星島日報

【維港會】外甥女將倉鼠拋嚟拋去「跌死買過」網民:價值觀錯晒

2021-03-25 15:42
網民看不過眼外甥女把寵物倉鼠當成玩物虐待。示意圖片
網民看不過眼外甥女把寵物倉鼠當成玩物虐待。示意圖片

日本動畫《天竺鼠車車》近來大熱,有網民發文指,外甥女將倉鼠當場玩具一樣抛來抛去,還說「跌死買過隻囉,又唔係貴。」令網民驚訝「價值觀錯晒」。

有網民於「香港討論區」上指,前日去胞姐家食飯,姐姐正在煮飯,於是就去陪伴下個外甥女玩,一入房看見正在溫書,之後急不及待去取出倉鼠給發文者看,「我見佢養小動物都幾好,又可以學下照顧小動物訓練下責任感」。

網民說,「點知佢放隻倉鼠係枱面行咗冇幾耐,就拎上手,拋上天,又接返咁,我見到都好驚,我諗隻倉鼠都好驚」,於是就叫停外甥女,指隻倉鼠會驚,接不住隻倉鼠會跌死,豈料外甥女竟然回答「跌死買過隻囉,又唔係貴。」

網民認為,「我聽完之後好心寒,點解一個小朋友可以當一條活生生嘅生命當係玩具,死咗就買過隻?我聽佢講有時佢仲要係倉鼠身上綁條繩就帶佢出街行,仲話有次唔小心比人踩死咗隻,之後轉個頭又去買返隻」

網民質疑是不是胞姐管教不好,但認為對小朋友成長有害,希望教識外甥女倉鼠也是一條小生命。

網民看不過眼外甥女把寵物倉鼠當成玩物虐待。示意圖片
網民看不過眼外甥女把寵物倉鼠當成玩物虐待。示意圖片

其他網民紛紛批評發文者的姐姐管教無方,「你唔教大個左分分鐘有虐待傾向」、「咁就唔應該再買。因為佢唔識尊重生命。而你家姐又唔識教」、「先唔講有生命嘅嘢。依家呢代物質太豐盛,好多嘢玩爛咗整爛咗父母會再買。久而久之,連寵物都一樣做法死咗買過,細路啲錢咪又係父母畀。根本係父母管教問題」

帖文轉載自《見到姪女當隻倉鼠玩具咁拋嚟拋去,成個價值觀錯晒,點先可以教返佢好?》

網民看不過眼外甥女把寵物倉鼠當成玩物虐待。示意圖片
網民看不過眼外甥女把寵物倉鼠當成玩物虐待。示意圖片

最新回應

關鍵字

相關新聞

熱門文章