隨意一坐晒長腿殺死人 金宇彬化身香噴噴大隻暖男

最近頻頻更新社交網的韓國男星金宇彬，今日在IG發布為香水品牌拍攝廣告時的花絮照片。雖然他已換上休閒服，只穿着T恤牛仔褲，不過依然好有正式代言照Feel，除了手持香水瓶身，金宇彬仲攬住一堆包裝盒，大騷手臂脹卜卜肌肉，休養期間都冇怠慢喎！

而金宇彬所拍攝的雜誌相亦已在今日公開，他主要以一身白色Look上陣，配上香水瓶身嘅顏色，紅、黃、綠色睇到都覺得好有春夏Feel。男神笑得好開心，而正在拍攝電影《外星人》的他，會與柳俊烈、金泰梨、金義聖、廉晶雅等演員合作，好期待抗癌成功嘅金宇彬以戲劇作品真正復出嘅一日。