【見到都痛】等嫁唔使撈係咁玩 吳千語三亞滑水瘋狂咁撻

27歲的吳千語（Karena）同百億身家富三代施伯雄拍拖兩年幾，不久前被爆同男友秘搬入5,000萬元九肚山大屋，有男友錫住唔使做，等嫁嘅千語提早享受「少奶奶」生活。

好多人恨去旅行，千語都恨所以去完上海過農曆新年後再轉去東北滑雪，幻想自己去咗北海道，因為大把時間所以佢近日又轉去三亞曬太陽，鍾意滑水嘅佢當然日滑夜滑。

今日千語上載咗自己嘅滑水片，特別之處係13秒長嘅片有佢瘋狂撻落水嘅片段，總共撻咗六次，撻到隔住個Mon都戥佢痛。連滑水之友關智斌都留言問佢:「What?」，馬明嫂唔唔知係咪掛住馬明掛到傻咗，竟然讚千語無限撻好有型。